-Редовни избори треба да имаме во 2024 година, оцени премиерот Зоран Заев, денеска во Гевгелија, одговарајќи на новинарство прашање, при пуштање во употреба на нова инвестиција. Според Заев предвремените избори ги стопираат економските процеси во земјата.
-Државата има јасен правец по кој се движи, европеизацијата продолжува. Сите тешки одлуки што се донесоа во минатото беа заради економскиот стандард на народот, заради отворање нови работни места, да ги мотивираме инвеститорите да вложуваат во нови инвестиции и да отвораат работни места. На тој начин, да ги зголемиме извозот, бруто домашниот продукт на државата, а со тоа и благосостојбата на целиот народ. Секое предвремено истрчување на избори, ги кочи ваквите процеси, истакна премиерот Заев.
