Прилеп ја доби титулата на општина со најголема транспарентност во работата! Прилеп стана град со реконструиран градски фудбалски стадион „Гоце Делчев“, за прв пат според сите современи стандарди! За прв пат во една македонската општина се реконструира градски булавер („Гоце Делчев“) според најсовремени европски стандарди! Изграден е прв пат во историјата на Прилеп, во населбата „Сточен пазар“ (со децении запоставувана населба) мост од околу 1000 м2, повторно според сите современи стандарди. Во голема мера е завршена изградбата на спортско-рекреативен центар крај вештачкото езеро, за прв пат во Прилеп! Околу милион евра ќе се вложат во ромската населба „Тризла“, проект што почнува од овој месец! А, само во населбата „Три багреми“, за прв пат е инвестирано во инфраструктура (пат, вода, собирање отпад, електрична мрежа)! Наместо маргинализирани групи, граѓаните на оваа населба се почитувани и нивните услови за живот се урбанизираат! За лицата со посебни способности, поточно граѓаните со церебрална парализа е изграден Дневен центар, неколку месеци по смена на власта! Пуштена е во употреба детска градинка, а во тек се активностите за изградба на нова детска градинка и затворен базен во населбата „Точила“.
Реконструиран е патот до Мариово, за што монашкото братство во манастирот „Св. Никола“, на чие чело е игуменот Никола упати јавна благодарност до градоначалникот на Прилеп, Илија Јованоски. Обновени се конаците, а ќе биде изграден и водовод во манастирот „Трескавец“ со црквата „Успение на Пресвета Богородица“, каде што чиноначалствува отец Калист. Јованоски покажа максимална посветеност во битката со пожарот што беснееше околу манастирот во Зрзе, каде се наоѓа и епископското седиште на владиката Климент.
Д-р Илија Јованоски е единствениот градоначалник во Македонија, којшто го стави на огромен ризик своето здравје и живот, покажувајќи максимална емпатија со сите граѓани инфицирани со „корона вирусот“ и заболени од „ковид-19“. Секојдневно за потребите на болницата и во битката со пандемијата на „ковид-19“ ги стави на располагање своите знаења и вештини, организациски и менаџерски способности и како доктор и како поранешен директор на општата болница.
И сигурно е дека градоначалничката функција е моќна, ама само за популистите, желни за паради. А, премногу е одговорна за одговорните и посветените како Јованоски, којшто наместо секојдневно да се „шета од медиум до медиум“, (манир својствен на петходните градоначалници), ја води битката за што подобар Прилеп.
Прилепската општина за прв пат има градоначалник кој доаѓа на работно место во 8 часот, и кој рамо до рамо со сите раководители на сектори ги решава проблемите на граѓаните. Отворено, домаќински и посветено! Без манипулации и лажни ветувања. Бара работа, одговорност и исполнителност од вработените!
За неговата успешност во работата, говорат сите негови дела! Токму затоа премиерот Зоран Заев е чест гостин на Прилеп, а при официјалното пуштање во употреба на булеварот „Гоце Делчев“ ја изрази и отворено поддршката за Општина Прилеп и проектите на градоначалникот Јованоски!
Оттука мечтите остануваат за мечтателите! Лажните конструкции за популистите, коишто својата кариера ја потпираат на интриги и „мапи -проекти“. А, личностите – политичарите од дела, градат историја за својот град, при тоа ставајќи печат и на својата кариера!
Прилеп и прилепчани се среќни што имаат градоначалник којшто зад себе има дела и хуманост, и којшто парадите им ги остава на парадерите!
Етикетите без лепак, сами паѓаат! Останува вистината и убавината на градот и тогаш кога се чини нема медиум, којшто со повеќе внимание, аналитичност и компаративност во однос на претходните локални гарнитури, ќе ја следи работата на локалната власт! Три години локална власт, а толку дела. Дури и политичките ривали му симнуваат капа. Дури и оние кои сонуваат за градоначалничката фотелја се свесни дека реализацијата на овој градоначалник е повеќе од респектабилна!
редакција: ovde.mk
„Прилепско езеро-нови авантури-нови можности„
