Десет од вкупно 45 мина заболени со британскиот сој на коронавирус се од Прилеп, потврди Центарот за јавно здравје од Прилеп. Минатата недела во инфективното одделение од прилепската болница се земени брисеви на десетмина, и испратени на испитување во лабораторијата на МАНУ,од каде што се добие позитивни резултати.
-Седуммина се наоѓаат на домашно лекување, а тројца се хоспитализирани. Од причина што „британскиот“ сој е позаразен во однос на претходниот сој, во наредниот период очекуваме зголемување на бројот нови случаи на коронавирус. Во таа насока, упатуваме апел до граѓаните максимално да ги почитуваат мерките за заштита од коронавирус: носење заштитни маски, држење дистанца, миење раце, како и мерките на Владата за забрана за групирање на јавен простор, апелираат од Центарот за јавно здравје од Прилеп.