Крушевска „Комуна“ го чисти отпадокот и дивите депонии на разни локации во градот и околу Крушевско Езеро. Комуналците реагираа веднаш по пријава на граѓани. Заложбите за одржување на хигиената и чистата животна средина во овој туристички бисер, продолжуваат.
-Собрана е голема количина на отпадоци и затоа ЈП „Комуна“ апелира на одговорност и заедничка работа на заштита на животната средина. Детектиравме многу отпад особено околу Крушевско Езеро и спортските игралишта како места со најголема посетеност во Крушево. Исто така, добивме и пријави од граѓани за загаденост во овој предел и околу детското одморалиште. Ќе продолжиме со овие активности, но подеднакво е важно како граѓани да бидеме одговорни и секој од нас да придонесе за заштита на нашата околина и овие убави места во град Крушево.“, вели, в.д. директорката, Станка Ефремова Трајкоска.
Креушевското комунално претпријатие веќе трет месец реализира кампања за подигнување на свеста за правилно складирање и исфрлање на отпадот од домаќинствата и на сите јавни површини.
