Во пресрет на 14 февруари, денот кога милиони граѓани на планетава го чествуваат денот на љубовта и виното, ви презентираме краток избор наслови на оваа тема, кои што може да ги зајмите од нашата Библиотека:
- Волкот на љубовта: избор поезија од Блаже Конески (1990);
- Моќта на љубовта: уметноста на создавањето на меѓучовечките односи: книга на мудроста на старите Толтеци[1], од Мигуел Руис, (2005);
- Смислата на љубовта од Владимир Сергеевич СоловЬев, (2009);
- Патот на љубовта од Антони Де Мело, (2008);
- Љубовта е приказна: нова теорија за односите од Роџер Џ. Стернберг, (2008);
- Историја на љубовта од Вероник Лезјур-Шалме и Доминик Марни,(2006);
- Како да се сака полносвесно и без страв : како да се љуби од Ошо Раџниш, (2009);
- Уметноста на љубовта од Ерих Фром, (2006);
- Поезија. 3, (Поетот во Њујорк; Тажачка за Игнасио Санчес Мехијас; Шест галициски песни ; Тамаритски диван ; Одделни песни ; Сонети на мрачната љубов) од Федерико Гарсија Лорка,(1996);
- Дај две, љубовни! : антологија на нашите омилени песни од автори од Европа,(2015);
- Љубов, поезија, мудрост од Едгар Морен, (2001);
- Флуидна љубов : за трошноста на човековите врски oд Зигмунд Бауман, (2013);
- Љубовта трае три години од Фредерик Бегбеде, (2026);
- Педесет и пет години љубов и песна : посветена на Желчески-Селимова oд Костадин Шекероски, (2015);
- За тебе љубов моја: поезија од Жак Превер, (1993);
- Љубов и људило во Л.А. од Чарлс Буковски;
- Сто песни, а само една љубов од Гане Тодоровски(1993);
- Игра со љубов од Божин Павловски (1964) и многу, многу други.
„Нека е убав денот и викендот. Нека се слави љубовта во сите свои појавности. Нека се шири љубовта меѓу луѓето. Нека се шират позитивните вибрации, позитивните емоции. Нека расте убавината во сечија душа. Нека прелива сечие срце со љубов, нежност и топлина … зашто само така, овој свет, денес, ќе биде поубав за сите нас, актуелни и времени жители и посетители на убавините на оваа планета! Љубов – нека е нашиот викенд поздрав!“, порачуваат од Библиотеката во Прилеп.
