Во последните 24 часа 8 заболени починале од „Ковид-19“, а евидентирани со корона вирус се 404 нови случаи, од вкупно тестирани 2727 граѓани, на територијата на целата земја. Според Министерството за здравство, најмногу новозаболени се откриени во главниот град, Скопје-180, во Охрид-32, во Кавадарци -19, Куманово-16, Битола, Струмица и Струга има по 15 новозаболени.
Во Прилеп -11, а во Тетово има 10 мина новозаболени. Се чини дека стивнува пандемијата во овие два града, каде минатите месеци секојдневно се појавуваа десетици нови случаи. Во Велес има 9 новозаболени, во Штип-8, во Дебар и Ресен по 7, Кочани, Гевгелија и Делчево по 6, во Гостивар, Кичево, Неготино, Крива Паланка, Радовиш, Берово, Пробиштип и Валандово по 4. Во Крушево во последното деноноќие има двајца новозаболени, додека во Свети Николе, Демир Хисар , Македонски Брод , Кратово, Македонска Каменица и Дојран по еден новозаболен од „Ковид-19“.
Вкупно оздравеле 101 пациенти. Од нив, најмногу 39 лица оздравеле во Скопје – 39, во Велес -10 мина, во Ресен и Куманово по 9, во Гостивар 6 лица, во Битола и Кичево по 5 мина, во Струмица – тројца, а во Прилеп, Штип, Кавадарци, Свети Николе и Неготино по двајца оздравени. Додека во Тетово, Крива Паланка, Пробиштип, Демир Хисар и Македонски Брод од „Ковид-19“ се излечени само по еден пациент.
Вкупно починале осуммина. Од нив, во Скопје две лица на возраст од 53 и 60 години, по еден смртен случај е регистриран во Штип (70г), Струга (88г), Струмица (55г), Дебар (67г), Радовиш(79г) и Берово (83г). Сите заболени починале во болнички услови.
Од почеток на епидемијата во земјава, вкупно починале 2.916 граѓани од „Ковид-19“. Во моментов се активни 7.948 случаи. Оздравеле 83.735 граѓани од вкупно 94.599 заболени, досега.
