Четворица починати, а 44 други лица се новозаболени од „Ковид-19“ за една недела (25-31 јануари, 2020) во Прилеп. Пандемијата не стивнува, иако бројот на новозаболени се намали евидентно во споредба со периодот пред 2-3 месеци, кога Прилеп по негативните биланси беше прв на листата, по бројот на заболени и починати, во споредба со бројот на жителите во општината.
-Бројот на активни случаи изнесува 147. Од нив 17 лица се хоспитализирани, 14 се лекуваат во дневната болница, додека 116 други се на домашно лекување. Во изолација и самоизолација се вкупно 130-мина, известуваат од Центарот за јавно здравје.
Од почеток на пандемијата до денес, изминативе 10 месеци, заболеле 4563 граѓани, а како последица на корона вирусот, животот го загубиле 237 лица во општината.
