Македонската актерска легенда, Благоја Спиркоски – Џумерко (1946-2015) е роден на денешен ден, 06 февруари, во Прилеп. Од 1966 година, од првото вработување во прилепскиот народен театар „Војдан Чернодрински“, па до пензионирањето овој извонредно талентиран актер, работи во својата матична куќа.
Во својата повеќе децениска успешна кариера, оствари бројни улоги. Почитувачите на неговото дело ќе го паметат по улогата на Итар Пејо, во тв-драмата „Солунски патрдии“, од драматургот, неговиот сограѓанин Миле Попоски. Џумерко одигра значајни улоги во многу играни филмови: „Тетовирање“, „Викенд на мртовци“, „Како убив светец“, тв-сериите: „Бумбари“, „Погрешно време“ и „Наше маало“. Носител е на наградата за животно дело „Војдан Чернодрински“ од 2011 година. Добитник е највисокото општинско признание, наградата „3-ти Ноември“ и многу други.
Прилепчани имаат особена почит за својот сограѓанин, за човекот кој внесуваше посебен шарм во животот на чаршијата. Секогаш срдечен, подготвен низ хумор да посочи на неправдите кои го следат животот на обичниот човек.
Македонска филмска и театарска легенда почина во Прилеп на 11 јуни 2015 година.
фото: Википедија
