Прилеп и Охрид се градовите каде што мутираниот SARS-CoV-2 вирус. којшто потекнува од Велика Британија е најфреквентен. Според информациите на Министерството за здравство, освен овие два града, вирусот е откриен и кај пациенти од:Тетово, Струга, Куманово, Штип и Велес. Што значи за кратко време по неговата појава во Велика Британија, овој мутиран сој на вирусот веќе се шири низ земјава и претставува закана за здравјето на граѓаните.
Изминатава недела, поточно од почетокот на овој месец, во истражувачкиот центар за генетско инженерство и биотехнологија во МАНУ, потврден е вирусот во земените примероци на брисеви од 45 граѓани. Првиот случај во земјава е откриен на 13 јануари во Охрид.
Министерството за здравство апелира до сите граѓани, за почитување на мерките и препораките за заштита од ковид.
фото: dw.com
