Популарниот американски политичар Берни Сандерс, сенатор на Вермонт-САД ги освои симпатиите и на обичните луѓе и припадниците на џет-сетот ширум светот со оригиналниот имиџ, на инаугурацијата на 46. американски претседател, припадник на демократите Џо Бајден. Сандерс избра топла едноставна виндјакна, ракавици сплетени од испарани конци на џемпери, со умешните раце на наставничката Џен Елис (42) од Есекс, во државата Вермонт, малку подалеку од Барлингтон, каде што Сандерс беше градоначалник во 80-те години.
-Немам никакви ракавици за продавање. Веќе не се занимавам со тоа. Почестена сум што луѓето ги сакаат, има многу луѓе коишто ги продаваат и така ќе си најдат бизнис за себе. Но, јас нема да ја прекинам својата дневна работа за да плетам, изјави Елис во интервју за Jewish Insider, во средата на денот на инаугурацијата на Бајден.
Оваа изјава на Елис доаѓа по огромната побарувачка, од преку 6000 граѓани, за да сплете исто толку пара ракавици, по моделот на оние од Сандерс. „Не можеш да добиеш, се што ќе посакаш во животот“, е одговорот на Елис, на потенцијалните купувачи на ракаваци, објаснувајќи со тоа, дека ракавиците се уникатни и наменети само за г-дин Сандерс.
Меѓу милионите монтирани фотографии со Сандерс, коишто ги поплавија социјалните мрежи ширум светот, е и оваа на Сара Џесика Паркер, објавена на нејзиниот официјален Инстаграм профил, на која што тој ги придружува дејковите од Сексот и Градот: Миранда, Кери и Шарлот.
Креативен граѓанин, монтирал фотографија на која што Берни Сандерс седи на плочникот во центарот на Прилеп, во пазарен ден, фотографија во друштво со Јосип Броз – Тито, со Марина Абрамовиќ и многу други.
